147

سائیڈ ایفیکٹس، انورمسعود

سر درد میں گولی یہ بڑی زود اثر ہے 

پر تھوڑا سا نقصان بھی ہو سکتا ہے اس سے 

ہو سکتی ہے پیدا کوئی تبخیر کی صورت 

دل تنگ و پریشان بھی ہو سکتا ہے اس سے

ہو سکتی ہے کچھ ثقل سماعت کی شکایت 

بیکار کوئی کان بھی ہو سکتا ہے اس سے 

ممکن ہے خرابی کوئی ہو جائے جگر میں 

ہاں آپ کو یرقان بھی ہو سکتا ہے اس سے

پڑ سکتی ہے کچھ جلد خراشی کی ضرورت 

خارش کا کچھ امکان بھی ہو سکتا ہے اس سے

ہو سکتی ہیں یادیں بھی ذرا سی متائثر 

معمولی سا نسیان بھی ہو سکتا ہے اس سے

بینائی کے حق میں بھی یہ گولی نہیں اچھی 

دیدہ کوئی حیران بھی ہو سکتا ہے اس سے

ہو سکتا ہے لاحق کوئی پیچیدہ مرض بھی 

گردہ کوئی ویران بھی ہو سکتا ہے اس سے

ممکن ہے کہ ہو جائے نشہ اس سے ذرا سا 

پھر آپ کا چالان بھی ہو سکتا ہے اس سے 

اس خبر پر اپنی رائے کا اظہار کریں

سائیڈ ایفیکٹس، انورمسعود” ایک تبصرہ

  1. What i do not understood is in truth how you are not really much more smartly-liked than you may be right now. You are very intelligent. You recognize therefore significantly with regards to this subject, produced me in my view consider it from so many numerous angles. Its like men and women aren’t interested unless it’s one thing to do with Girl gaga! Your individual stuffs excellent. At all times take care of it up!

اپنا تبصرہ بھیجیں