پاکستان نے 10 مئی کی علی الصبح انڈین جارحیت کا جواب دیتے ہوئے آپریشن بنیان مرصوص کا آغار کردیا ہے۔ بنیان مرصوص کے لفظ کے معنی ہیں سیسہ پلائی ہوئی دیوار اور یہ لفظ قرآن کی سورت الصف کی آیت چار سے لیا گیا ہے- اِنَّ اللّٰهَ یُحِبُّ الَّذِیْنَ یُقَاتِلُوْنَ فِیْ سَبِیْلِهٖ صَفًّا كَاَنَّهُمْ بُنْیَانٌ مَّرْصُوْصٌ(4) بیشک اللہ ان لوگوں سے محبت فرماتا ہے جو اس کی راہ میں اس طرح صفیں باندھ کر لڑتے ہیں گویا وہ سیسہ پلائی ہوئی دیوار ہیں۔ پاکستان کی جانب سے فَتح-1 میزائل حملوں کا یہ اقدام ایک سخت اور جذباتی ردعمل کے طور پر سامنے آیا ہے، جسے بھارتی جارحیت کے خلاف “انتقامی مگر محتاط کارروائی” قرار دیا گیا ہے۔ فَتح-1 میزائل ایک زمین سے زمین پر مار کرنے والا، مقامی طور پر تیار کردہ، ہدف پر درست مار کرنے والا ہتھیار ہے۔ حملے بھارتی فوجی تنصیبات پر کیے گئے، خاص طور پر ان پر جو لائن آف کنٹرول کے قریب واقع ہیں اور جنہیں پاکستان نے سویلین ہلاکتوں کے ذمہ دار قرار دیا۔ اس حملے کو پاکستانی شہید بچوں کے نام منسوب کیا گیا، جن کی ہلاکت حالیہ بھارتی بمباری میں ہوئی تھی۔ ISPR کا کہنا ہے کہ میزائل حملے شہری آبادی کو نقصان پہنچائے بغیر کیے گئے، تاکہ اخلاقی برتری برقرار رکھی جا سکے۔ یہ کارروائی بھارت کے مبینہ حملوں کے بعد سامنے آئی ہے جن میں عام شہری، خاص طور پر اسکول کے بچے، جان سے گئے۔ ان ہلاکتوں نے پاکستان میں شدید عوامی غم و غصہ پیدا کیا، جس کا اظہار اس علامتی اور عسکری ردعمل کے ذریعے کیا گیا۔
پاکستانی ٹی وی چینلز کے مطابق پاکستان نے فتح میزائل کے ڈریعے براہموس میزائل سائیٹ، پٹھان کوٹ ایئر بیس اور اودھم پور ایئربیس تباہ کردیئے ہیں۔ پاکستان ایئرفورس کے جے ایف 17 تھنڈر جہاز سے ہائپرسونک میزائل کے ڈریعے روس سے خریدا گیا ڈیڑھ ارب ڈالر کا ایئرڈیفینس سسٹم ایس 400 تباہ کردیا ہے۔ پاکستان نے سوت گڑھ ایئرفیلڈ بھی تباہ کردی ہے۔ پاکستان نے سائبر اٹیک کر کے مہاراشٹر سٹیٹ الیکٹریسٹی ٹرانسمیشن کمپنی لیمیٹڈ کا سسٹم ہیک کرلیا ہے جس سے %70 بجلی کی ترسیل منقطع ہوگئی ہے اور تمام کمرشل اور ڈومیسٹک میٹرز کا ریکارڈ اٹا دیا گیا ہے۔ پاکستانی جے ایف 17 تھنڈر طیارے نے ایک اور رافیل طیارہ تباہ کردیا ہے جس سے اب تک کل چار رافیل طیارے تباہ ہوچکے ہیں۔ پاکستانی میزائلوں نے راجوڑی انڈین ملٹری انٹیلی جینس سنٹر تباہ کردیا ہے۔
بھارتی وزیراعظم کی ویب سائیٹ ہیک کرلی گئی ہے۔ بھارتی دارلحکومت دہلی میں پچھلے تین گھنٹوں سے ڈرونز کی پروازیں جاری ہیں اور انڈین شہریوں میں خوف وہراس پھیل چکا ہے۔ بھارت کے 2500 سے زیادہ سرویلنس کیمرے بھی ہیک کرلئے گئے ہیں۔ ہندوستان ایروناٹکس لیمیٹڈ، بارڈر سیکیورٹی فورسز، یونیق ایڈنٹی فیکیشن آف انڈیا کا ڈیٹا لیک کردیا گیا ہے۔ بھارت کا ملٹری سیٹلائیٹ ناکارہ بنا دیا گیا ہے۔ بھارت کا گجرات ایئرپورٹ تباہ کردیا گیا ہے۔ بھٹنڈہ ایئرفیلڈ تباہ کردی گئی ہے۔ اکنور ایوی ایشن بیس تباہ کردی گئی ہے۔ پاکستانی حملے جاری ہیں اور مزید تفصیل اپلوڈ ہورہی ہے۔۔۔۔۔۔۔
