پنجاب بھر میں اراضی ریکارڈز سنٹرز کھولنے کا اعلان کردیا گیا یوں ہر شخص فرد نکلوانے کے لیے پیشگی کال کر کے بکنگ کرا سکتا ہے، اگر آپ زمین کا انتقال یا فرد جاری کروانے کے لیے اراضی ریکارڈ سنٹر نہیں جا سکتے تو صرف ایک فون کال کریں، موبائل ٹیم آپ کے پاس حاضر ہوگی اور گھر بیٹھے آپ زمین کا انتقال کروا سکیں گے اور فرد بھی حاصل کر سکیں گے۔
اراضی ریکارڈز سنٹرز پہ فرد یا انتقال کے حصول کے لئے پنجاب لینڈ ریکارڈز اتھارٹی کی ہیلپ لائن (042111222277) پر کال کر کے ایک دن پہلے اپنے کام کی تفصیل بتا کر وقت حاصل کیا جاسکتا ہے، پیشگی وقت لینے والے افراد کا نام اور وقت ایک لسٹ میں بیرونی دروازے پر آویزاں کر دیا جائے گا، بغیر وقت لئے سنٹر پر آنے کی اجازت نہیں ہوگی۔
