جشن بہاراں کے نام سے فیتیا سکول سٹاک ہوم میں کلچرل ایوننگ

پروگرام کا آغاز شکیل احمد نے تلاوت قرآن پاک سے کیا، اسکے بعد پاکستان کلچرل ایسوسی ایشن کے صدر جناب لیاقت علی خان صاحب نے ویلکم سپیچ کی، اور فرینا دے پاکستانیر بتشرکا کے چیئرمین جناب ڈاکٹر سہیل اجمل صاحب نے اپنی ایسوسی ایشن اور اسکی سرگرمیوں کا تعارف کروایا۔

مایہ ناز گلوکار رجب علی خان، جو نصرت فتح علی خان صاحب کے کزن اور راحت فتح علی خان کے چچا ہیں، نے اپنی گلوکاری کے جوہر دکھائے اور حاضرین کے دل موہ لئے۔ 

ماریہ بھردواج صاحبہ جو 2006 سے سٹاک ہوم میں نرتیا درپن اکیڈمی چلا رہی ہیں جہاں پر وہ طالبعلموں کو ایسٹرن کلاسیکل اور فوک ڈانس کی تربیت دیتی ہیں، انہوں نے اس پروگرام میں اپنی ساتھی ڈانسر کیساتھ ایسا ڈانس کا جادو جگایا، کہ حاضرین محفل داد دئیے بغیر نہ رہ سکے۔

عبدالحنان کراچی کے نوجوان گلوکار اور اے آر وائی میوزک فیم ہیں، انہوں نے اس پروگرام میں اپنی خوبصورت گٹار کے ساتھ نہ صرف اپنی خوبصورت آواز کا جادو جگایا بلکہ فاطمہ افضال اور رجب علی خان کی آوازوں کے ساتھ ساتھ بھی گٹار بجاتے رہے۔

دیسی برو سٹاک ہوم کا ابھرتا ہوا گروپ نوجوان گروپ ہے انہوں مختلف گانوں کے میوذک پر بہترین ڈانس کا مظاہرہ کیا۔

سٹاک ہوم میں رہنے والے خواتین وحضرات نے ایک یادگار شام کے انعقاد پر پاکستان کلچرل ایسوسی ایشن اور فرینا دے پاکستانیر بتشرکا کا شکریہ ادا کیا اور اس امید کا اظہار کیا کہ یہ تنظیمیں مل کر مستقبل میں بھی ایسی ہی ایکٹوٹیز کرتی رہیں گی۔

p.p1 {margin: 0.0px 0.0px 0.0px 0.0px; text-align: right; font: 12.0px ‘.Noto Nastaliq Urdu UI’}
p.p2 {margin: 0.0px 0.0px 0.0px 0.0px; text-align: right; font: 12.0px ‘Helvetica Neue’; min-height: 14.0px}
span.s1 {font: 12.0px ‘Helvetica Neue’}